8.2.06

تناتيف

المسئولية هى اللى بتبين الناس فعلاً، لما ترمى مسئولية على حد رد فعله حيبين معدنه: فيه اللى يخاف ويهرب، وفيه اللى يشوف مصلحته من وراها ايه ولو لقى المصلحة تستاهل ياخد المسئولية، وفيه اللى يجرى عليها ويشيلها ويطلع جدع، وفى اللى ياخدها منظرة وفى الآخر يرميها لحد تانى من تحت الترابيزة، وفى بنى آدم طبيعى: ياخدها وهو قلقان، ويعمل اللى يقدر عليه ولما ينجح فى الآخر يفرح انه عمل حاجة عليها القيمة
عايز تكشف معدن حد : ارمى عليه مسئولية

~~~~~~~~~~~~~~~~

مرة جالى عريس من اللى بيقولوا عليهم صالونات، سألنى بحب أعمل ايه، قلتله بكتب قصص وشعر ، قاللى: من خيالك؟!!! قلتله آه....... قاللى مش شايفه انك مفروض تبقى واقعيه وتعيشى فى الواقع!! قلتله يعنى أعمل ايه عشان أبقى أكثر واقعية من انى مهندسة كمبيوتر؟؟؟؟؟؟؟؟؟ وشكرته من قلبى انه بينلى غباؤه من أولها

~~~~~~~~~~~~~~~~~
نفسى أعرف ايه علاقة كاوتش عربيتى بالدنمارك؟؟؟؟؟؟ ليه مع الهيصة بتاعت صور الدنمارك المنيلة دى واحد قرر أن كاوتشات عربيتى الغلبانة هو سبب المشكلة وفضالى ال4 فرد مرتين وجبهالى على الجنط؟؟!!! أنا لا عمرى رحت الدنمارك ولا ليا أصول إسكندنافية يا عالم!!!!!! زنبها إيه زووكا... ومبطلش يعمل كدة إلا لما ركنتها فى حتة بعيدة مستخبية
~~~~~~~~~~~~~~~~~
كنت تعبانه وزعلانه، ملانه ومضايقة، مش طايقى نفسى ولا عيشتى
مش عارفة فيه ايه
مالى
لغاية ما يوم ماما قالتلى مالك
قلتلها مش مبسوطة
قالتلى تخيلى حاجات حلوة كتير حتحصلك وتخليكى مبسوطة
عيشى انشالله فى أوهامك أحلى أحلامك
فجأة فهمت، عرفت
عرفت كنت ليه مضايقة
عشان بطلت أحلم
بطلت أتمنى لبكرة وأحلم بيه
وأول مارجعت أحلم تانى
كل حاجة بقت جميلة ورجعت زى زمان
لما بطلت أحلم، مت
~~~~~~~~~~~~~~~~~
Why is the attractive girl called "hot" while the attractive guy is called "cool"???

5 comments:

HoneyBee0608 said...

looooool, lilo aktar 7aga da7aktny mawdoo3 el 3aris da !
he's soooo down 2earth ya 7aram le daraget eno hayes7af ! m3lesh, 3adyyy, el mohem enty efdaly e7lamy, dreams are the seeds of big achievments, and i myself, have 2 worlds..one is a dreamy one, so deep inside, and one is very realistic in which we just live wht we have..we should live both, life has many aspects, and we should live it all..dont stop 2 dream!

Anonymous said...

physically attractive guys are called hot bardo

cool is more of a comment on atitude or how fun the person can be.

Lilli said...

HoneyBee: ana shoft keter awi mel assnaf el 3'areeba de.. let me tell u: finding a decent "logical" guy to commit to now is near impossible..

Alaa: i know :p i was just trying to bring the idea that "some" guys tend to get the reputation of being "cool".. indifferent, and sometimes to the extent of being insensitive..
it's like that being passionate & interested (in anything) is a shame nowadays...
just random thoughts... seebak..

Ahmed Shokeir said...

مسخرة والله عرسان الصالونات دوول .. بيبقوا تحف ، الراجل اللي مايعرفش يختار زوجته بنفسه .. بيكون تحفة وتقدري تطلعي منه حاجات كتير زي صاحبنا ده ..وبعدين يعني داخل من أولها واقعية أوي كده وسيبك من الخيال .. طب إصبر ..إيه الملل ده

معرفش عندي إحساس إنه ليه علاقة بموضوع كاوتش زووكا

Lilli said...

تفتكر ياأحمد لسه هو فاكرنى بعد سنتين وجاى يهويلى الكاوتش؟
أنا عندى حكاوى عن العرسان اللى وردوا عليا تعمل بلوج بحالة
:)))