14.2.06

معبودة الجماهير - Happy Valentine's


دول ناس بتعرف تعمل أفلام بجد
بمناسبة عيد الحب النهاردة جابوا فيلم (معبودة الجماهير) بطولة عبد الحليم وشادية
ايه ده! الفيلم ده تحفة.. كل مرة أشوفه كأنى بشوفه لأول مرة.... الفيلم ده كل حاجه فيه جميلة: القصة، الأغانى كلمات وألحان، الممثلين، الألوان والديكور، حتى تسريحة شعر شادية وماكياجها... كله تحفه
والأغانى بقى حاجة تانيه خالص ، الفيلم إنتاج 1963... إخراج حلمي حليم
أنا قعدت أدور على النت على كلماتها ومين مألفهم وملحنهم... بس مش عارفة أجيب الكلمات، كل الللى لقيته هو أسامى الأغانى
أغاني فلم معبودة الجماهير
حاجه غريبه
أحبَك
جَبار - أغنية جبارة
لست قلبي
بلاش عتاب، وبالنسبة لبلاش عتاب
وكانت من ضمن أغانيه "بلاش عتاب" التى إستغرق كمال الطويل فى تلحينها مدة الأربعة سنوات التى إستغرقتها مدة تصوير الفيلم.... ياااااه تصوروا، تصوير الفيلم 4 سنين، واللحن بتاع بلاش عتاب أخد برضو 4 سنين!! دلوقتى الشريط بيتعمل فى 4 أسابيع
الفيلم ده جامد قوى، نفسى ألاقى كلمات الأغانى، اللى ماشفش الفيلم يجرى يشوفه، أو يجيب الأغانى على الاقل

11 comments:

HoneyBee0608 said...

ماتكلمنيش عالحب، ماتفكرنيش بالحب، لا حياتى هى حياتى و لا قلبى أصبح قلب

ana bamooooooot fel song di ya lilooooo, i dont like the movie that much, as i dont c halim and shadia matching awy as a couple for a movie, bas ba7eb el songs bta3et el film awy, "7aga 3'ariba" is definitely sooo unique, i love it sooo much, and "gabbar" too is very good, as for "a7ebek", it's one of my favourites for 7alim f3lan..ur choice is very good ya lilo, bravo ! :)
i dont know where u can find their lyrics now, but if i find them i'll tell u !
ciao..

HoneyBee0608 said...

lilo ! guess wht ! i got u the lyrics !
http://www.romanysaad.com/abdelhalimhafez/arabiclyrics.shtml
this site contains all lyrics u want, except "last kalby" :(
m3lesh ya lilo, law la2etha ha2olek,,
enjoy those 4now ;)

Ahmed Shokeir said...

عبد الحليم كان أحد العوامل المساعدة للإقتراب من حبيبتي لأنها كانت بتعشقه

مش عايز أقولك لدرجة إن اسم إبني على إسمه

:)

Lilli said...

Honeybee: mercii awi ya amarr... thank you heaps... i liked the site u sent me... it has all the lyrics fe3lan...you r so sweet:)

Shokier: this is sweet that u got closer to your beloved through Abdel Haleem... i guess if u hear his songs while u r not in love they would sound rediculous... or may not affect u for long.... & now we know your son's full name;)
ahh sa7ee7: is ur love, your wife now??;)

Ahmed Shokeir said...

هاها ... طبعا ياليلو

Anonymous said...

ازاي يبقى نفسك في كلمات اي اغنيه و متطلبيش مننا يا بنتي
امال احنا هنا بنعمل ايه في اعز الناس؟؟1

عموما الفيلم تحفه انا بموت فيه وفي كل اغانيه خصوصا بلاش العتاب بحبها قوي وكل مره بشوفها قلبي بيتقطع على شاديه وهي بتعبر بعنيها الاف الكلمات من غير ما تقول كلمه

بوست جميل عشان اتكلم عن اكتر حاجه بحبها اغاني زمان وافلام زمان
وكمان عرفنا اسم ابن احمد شكير
:)
كده يا احمد انا عرفت تاني حاجه قربتك من مراتك
;)

Lilli said...

صدقينى يا بُسبُس ما كنت عارفة انك فى أعز الناس بتقدرى تجيبى كلمات الأغانى، بس مادام كده يبقى ادينى بقى
:)))
على فكرة آخر مرة دخلت أعز الناس كان بطئ قوى وهنِّج الجهاز... كان تقيل قوى
حاولو تشوفو ايه المشكلة
متشكرة قوى

Anonymous said...

المشكله دي اول مره اسمع عليها

عموما انا هسال واشوف ايه المشكله

عموما حاولي تدخلي تاني وانشاء الله الشهر الجاي ذكرى عبدالحليم هنشر اغاني كتيير واكيد منها بلاش العتاب ولو عايزه اي اغاني تانيه
بس اطلبي

Lilli said...

Merci ya Bosbos basha :D

daktara said...

الفيلم ده بجد خرافة ويجبرك في النهاية علي البكاء
انا فاكر اول مره شوفته كان الصبح قبل ما اروح الكلية علي القناة الثانية ويومها فضلت قاعد قدامة ومارحتش الكليه بسببه

SADRADEEN AMEEN said...

بلاش العتاب اغنية عملاقة غناها عملاق اسمه حليم ولحنها عملاق اخر اسمه الطويل لذلك ستبقى الاغنية خالدة ابدا
نعم ان التامل في ان الطويل قضى سنوات اربع في تلحين اغنية امر يدعو الى البكاء حقا