25.4.06

فرحة مقتولة - (حب وسلام سابقاً) - رقم 100

قعدت كتير أفكر أكتب ايه فى البوست رقم 100 ده.. قلت لازم يكون مميز وجديد.. دورت على أحلى حاجه ممكن أتكلم فيها، دورت على أحلى مشاعر عند البشر، مالاقتش غير الحب.. قلت أتكلم عن الحب، أقول من تانى ان المحبة تحل أى مشكلة فى الدنيا، أقولوكو انى مؤمنة جداً ان المحبة هى اللى حتحل كل مشاكل البشر النفسية والجسدية، لو زاد الحب تقل كل حاجة وحشة.. كنت حأقول ان كل احتفالات الكنيسة فى الفترة دى والصلاة والسجود والتسبيح كل ده عبارة عن احتفال بمحبة ربنا لكل البشر، فى ايه محبه أعظم من ان المحب يفدى اللى بيحبه بأنه يموت عشانه!! مفيش طبعاً، ومحبة ربنا لينا هى اللى تعلمنا نحب بعض، كل ما (نلزق) فى ربنا، نعرف نحب اللى حوالينا.. السيد المسيح ساب لنا قدر هائل من المحبة والسلام، محبة غريبة محدش يقدر يستوعبها إلا الى بيحب فعلاً، يبص على الصليب ويبص للى بيحبه، ساعتها يعرف يعنى ايه صليب
وساب لنا سلام عجيب غريب، يخلى الواحد فينا يفضل هادى ومطمن وهو وسط حرب، السيد المسيح قالها: "سلامى أترك لكم، سلامى أنا أعطيكم، ليس كما يعطى العالم" أيوة مش زى اللى بيديه العالم أبداً، مفيش حاجة اسمها سلام عشان عملنا مع العدو اتفاقية محدش يموت التانى، مفيش حاجة اسمها سلام عشان عندى فلوس كتير فى البنك وبطنى مليانة، مفيش غير سلام السيد المسيح اللى بيخلى القلب مطمن وبارد، حتى لو حواليه مولع نار، ماعرفش ازاى، معرفش ازاى لما اسمع ان الطيور المريضة بأنفلونزا الطيور رموها فى النيل والميه بقت ملوثة، معرفش ازاى أفضل هادية وأضحك وماروحش أجرى أشترى كراتين ميه بالشكل المسعور اللى حصل، ده سلام جوه القلب معرفش ازاى بيدخله... عشان كده قلت أتكلم عن المحبة والسلام فى البوست 100

وقبل مأكتب، حصل اللى حصل فى الأسكندرية! فى أول أسبوع الآلام.. فى اليوم اللى الناس بتستعد فيه للاحتفال بالمحبة اللامتناهية، قتل وضرب وشر طلع يطنتط فى ثانية، وتصريحات الحكومة اللى تخلى الواحد يغلى أكتر من الحوادث نفسها!! جد عجوز خارج من الكنيسة هو وحفيدته، موتوه! طب ليه؟؟ استفدتوا ايه! أثبتوا ايه؟! والدنيا ولعت نار.. بس اللى حصل كان غريب.. الكنايس بدل ما الناس تخاف تروحها فى الأيام اللى بعدها، كانت مليانة على آخرها، فى كنيستى الناس ماكانتش لاقية مكان تقعد فيه من بعد 8 الصبح! الصلوات كانت أعلى وطالعة من القلب تحرق أى شيطان يحاول يظهر.. هو ده سلام المسيح اللى كنت عايزة أحكى عليه، اتجسد فى كل كنيسة فى أسبوع الآلام.. وحضرنا كل الصلوات، وكل صلوة آلاف كانت بتصلى من أجل بلدنا وأمنها وسلامها، أيوة الكنيسة بتصلى كل يوم عشان مصر، ساعات بحس ان مصر دى لسه عايشة بصلوات الكنيسة ليها كل يوم، صلينا واحتفلنا وعيدنا، وقلنا "لن تقدر أبواب الجحيم علينا" ومصر لسه حتكمل، قلت أكتب عن قوة الصلاة والمحبة والسلام فى البوست 100

وقبل مأكتب، حصل اللى حصل فى دهب! لأ بقى كفاية، حرام.. مش كفاية طابا وشرم؟! مش كفاية يعنى الدم، لازم يبقى فى كل شبر فى سينا؟ دهب الجميلة الهادية اللى الطبيعة فيها بتسبح ربنا بجمالها؟ دهب اللى الناس بتروحها تنسى الدنيا فيها وتنسى هى مين ومشاكلها ايه! دهب أول مدينة أشوفها فى سينا، فى أجمل ذكرياتى مع أصدقاء عمرى من المدرسة، أول مرة أشوف البحر الأحمر كان فيها، أول مرة أشوف جبال جنب المية كان فيها، وازاى بقى نسيبها كدة حلوة ومسالمة؟ فجّر فجّر، اقتل اقتل، أيوة كمان، عايزين دم أكتر، عايزين نموّت دهب خالص... عايزين السياح يبطلوا ييجوا و التجار يفلسوا، يللا ولعوها، وكل واحد يطلع فى قناة يفتى بقى، دول يهود اللى عملوها، التانى يقولك لأ دى إيران بترد على حسنى مبارك، التالت يقول جماعات ارهابية مستهدفين مصر.... كله كلام، محدش عارف الحقيقة، أكتب ايه ولا ايه
مالاقتش بقى حاجة أكتبها ساعتها، الفرحة اتقتلت خلاص، راحت فين كل الصلوات؟ راح فين السلام؟ محتاجين نصلى أسبوعين تلاتة آلام تانى، يمكن نعرف نفرح تانى
كفاية بقى
تعبنا وبلدنا تعبت
---------------------------------
تحديث: حد لاحظ ان أخبار تفجيرات دهب قلت قوى قوى من التليفزيون؟ امبارح بدور على أى خبر مش لاقية.. هو فيه ايه؟ يا خوفى مسئول من الداخلية يطلع يقول انه واحد "مختل عقلياً" هو اللى ورا التفجيرات وانهم خلاص مسكوه وبيعالجوه على حساب الدولة فى لومان طره!! آآآآه

10 comments:

Timmy said...

hi lilli
wa7ashetna 2el post beta3tek men moda
don't ever stop writing

kol sana wenty tayeba

Ahmed Shokeir said...

كل سنة وإنتي طيبة بمناسبة الاعياد وبمناسبة البوست رقم 100 مش عارف عدتيهم إزاي ؟

وربنا يجعل مصر آمنة إنشاء الله

Lilli said...

Timmy
thanks a lot, it's really good to know that you r following my posting and actually read them ;)

أحمد شقير
متشكرة جداً، وانت طيب وربنا يوفقك فى شغلك الجديد يا رب... عارف عرفت منين انه رقم 100؟ عشان لما تدخل على ال
Dashboard
بيبقى كاتب عدد البوستس

ادعى لمصر بقى ربنا يحميها ويوقف نزيف الدم

DeadinLife said...

ياااه 100
ربنا يديكى الصحة
و عقبال البوست ال10 الاف
:)

honeybee0608 said...

well Lilo, i cant say much as a comment for this post,,but let me say one thing: God is stronger than any power on earth, and God also IS Love, soo we should keep our faith, our love, and our peace, inside ourselves and with everybody, this is Jesus' message..
as for ur post, i'm sorry for ur post no 100 disappointment,,bas m3lesh, samih "ya far7a ma tamet!"
(anhiha b do3aba a7san!)
Keep ur smile and optimism..and keep lifting up ur eyes to God.

Lilli said...

Thanks a lot DeadinLife..

Thanks a lot honeybee.. :)

Mohamed Yousef said...

3ala fekraa...el nahrdaa el sob7 kan fee 2 new explosions caused by 2 suicide bombers...but thank god, no one died or got hurt except the 2 attackers who died...( fee 60 Dahyaa menhom lellaah )..

i also noticed that whenever something happens, the blame always goes to a "crazy person"...i guess that people are much more smarter to believe such talk....kefaayaa ba2a 2estekhfaaf bee 3o2ool el naass.

Anonymous said...

Hi LiLian ..
it's my second time to write in ur blog. i awlays read ur posts coz simply it is the best one i read till now.
" Blessed be Egypt my people " that's what God said and that's what i always believe in. I feel terrible from what happened in Alex., Dahab and to the UN troops in Sinai. i hate to be that passive ... i wish i could do something to my nation.

KOL SANA WENTY TAYEBA w 3ooo2bal el post rakam 1000000 isA.

Hany Na22ash ( Rami's Brother )

Lilli said...

Hany :D
basha...
wenta tayeb, Ekhrestos Anesty..
ento ro7t feen ya 3am, after u commented on اضحك u just disappeared, ana 2olt el walad mat 3ala ro7oh mel de7k :D

thanks for ur so much nice comment... am glad to know that there r decent people following my writings, it gives the writer a secure feeling that (s)he's not singing in the desert!

am too sad for all what happened too, but do not call urself passive, until u've the power or authority on such thing, blame urself. But uptill now what u've authority on is ur circle of influence, in other words, ur friends @ college, church, neighbourhood, and affecting those ones positively is a positive action.. why not start ur own blog for instance & start spreading ur ideas of peace and whatever u believe in....

May u have the nicest day ever ;)

PS: what happened to the UN troops in Sinai?! haven't heard of that one.. :$

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影