ناس وناس

فى ناس زى الشمس، أول ما تدخل المكان تنوره وتبهجه

وفى ناس زى الليل تكئب المكان وتضلمه
فى ناس زى هوا الربيع ، جميل و خفيف

وفى ناس زى زعابيب أمشير.. يا لطيف
فى ناس تسعدك وناس تشغلك، وناس تحمسك وتانيه تهبطك
فى ناس تخدمك من غير مقابل و تبقى فرحانه..

وناس تخدمك برده بس تستنى أول فرصة عشان ترضها وإلا تبقى شغلانة
فى ناس زى الميه والهوا، ماتخدش بالك منهم إلا لو غابوا

وناس زى الملبس، حلوين بس مالهومش فايدة ويمكن يضروا

ناس وناس وناس
ياما حنشوف ونقابل
ياما حنعرف وحنتعامل
مع ناس من كل صنف ولون
ناس تخم وتبهر العيون
وناس قيمتها جواها ومش باينه
واللى يدور يلاقى ياما حاجات تانيه

و عجبى